Gyda’r Ŵyl Ymylol Caeredin nesaf ar y gweill, rydyn ni'n cynnig cyfle i hyd at naw cwmni ragddangos eu gwaith yn ein gofod Cabaret.
Bydd pob cwmni yn cael cynnig dau slot perfformio dros ddau benwythnos (19–21 a 25–27 Gorffennaf) i roi cynnig ar eu gwaith a gwneud eu haddasiadau olaf er mwyn bod yn barod ar gyfer Caeredin!
Byddwch chi’n cael y canlynol:
Tocynnau a sefyllfa ariannol
Bydd pob cwmni ar raniad 80/20 o arian tocynnau er budd y cwmni sy’n ymweld, a bydd 150 o seddi yn y lleoliad.
Bydd Canolfan Mileniwm Cymru yn gwerthu’r tocynnau ac yn rhoi gwybod i’r cwmnïau am eu gwerthiant drwy adroddiadau wythnosol i ddechrau ac yn hwyrach dyddiol.
Bydd pob tocyn yn cael ei werthu am bris rhagddangosiad o £12. Bydd TAW o 20% yn cael ei dynnu o gros yr arian CYN y rhaniad (gan wneud pob tocyn werth £9.60, felly £7.68 i chi). Does dim costau eraill o ran tocynnau, taliadau prosesu na didyniadau a does dim blaendal i’w dalu i Ganolfan Mileniwm Cymru na ganddi.
Bydd pob cwmni yn cael pedwar tocyn cyfarch. Bydd unrhyw docynnau ychwanegol yn cael eu tynnu o raniad y cwmni sy’n ymweld.
Os byddwch chi’n gwerthu llai na 40 o docynnau, rydyn ni’n cadw’r hawl i ganslo eich perfformiad.
Rhaid i’ch sioe fod yn awr o hyd a bod yn mynd i Ŵyl Ymylol Caeredin ym mis Awst 2024. Ni allwch berfformio eich sioe yng Nghaerdydd yn ystod y ddeufis cyn neu’n dilyn eich perfformiad yng Nghanolfan Mileniwm Cymru.
Amserlennu
Bydd pob cwmni yn cael slot o 90 munud. Mae hyn yn caniatáu 10 munud i osod, 5 munud i gael y gynulleidfa i mewn a 10 munud i glirio. Bydd hyn yn debyg iawn i beth mae’r mwyafrif o leoliadau yng Nghaeredin yn ei gynnig, felly mae’n gyfle gwych i ddeall beth sydd ei angen a chael ymarfer.
Bydd gennym hyd at dri slot bob nos wedi’u hamserlennu ar gyfer 7pm, 8.30pm a 10pm. Bydd angen i chi gadw at yr amserlen yn agos fel y gall sioeau perfformwyr eraill redeg ar amser.
Mae bar Cabaret yn cadw’r hawl i weithredu gwasanaeth bwrdd drwy god QR yn ystod pob sioe.
Technegol
Bydd ein tymor Rhagddangosiadau Caeredin yn fwyaf addas ar gyfer sioeau heb lawer o set nag anghenion technegol.
Byddwn ni’n cynnig un ymarfer technegol i bob cwmni o hyd at uchafswm o ddwy awr gan gynnwys gosod a chlirio’r set, ac yn darparu technegydd ar gyfer eich sioe.
Bydd gennym olchiad syml gyda rhai golchiadau lliw ar gael. Dim blacowt a dim ‘specials’.
Byddwn ni’n rhedeg sain os byddwch chi’n darparu ffeil Qlab i ni.
Mae gennym ddau ficroffon di-wifr. Mae hefyd gennym biano trydanol yn y gofod y gallwch ei ddefnyddio. Rhaid i chi ddod ag unrhyw beth arall sydd ei angen arnoch chi.
Gallwn ni gynnig rywfaint o le storio, a rhaid trefnu ceisiadau ymlaen llaw.
Dydyn ni ddim yn cynnig lle i barcio ar y safle, dim ond i gasglu a gollwng.
Rhestriadau a marchnata
Bydd pob sioe yn cael tudalen benodol ar wefan Canolfan Mileniwm Cymru ar gyfer tocynnau a gwybodaeth.
I gael eich rhestru ar y wefan, rhaid i chi ddarparu copi 40 o eiriau ar gyfer eich sioe a delwedd hyrwyddo tirlun heb destun mae gennych y drwydded ar ei chyfer.
Bydd pob sioe yn cael postiad grid penodol ar sianel Instagram Cabaret Canolfan Mileniwm Cymru a dau bostiad stori Instagram.
Os byddwch chi’n darparu asedau ychwanegol (lluniau/rhaglun/cynnwys fideo) yna mae’n bosibl y byddan nhw’n cael eu cynnwys, ond dim ond y postiadau uchod sy’n sicr.
Bydd Canolfan Mileniwm Cymru yn hyrwyddo tymor Rhagddangosiadau Caeredin yn ei gyfanrwydd ond ni fydd yn hyrwyddo sioeau unigol.
Felly, fel yng Nghaeredin, bydd angen i chi fod yn greadigol i helpu i ddenu cynulleidfa.
Gwneud cais
Anfonwch eich copi 40 o eiriau ar gyfer eich sioe, eich prif ddelwedd marchnata (i’w defnyddio ar wefan Canolfan Mileniwm Cymru) a hyd at bedair delwedd ychwanegol atom.
Anfonwch hefyd unrhyw ddolenni at sianeli cymdeithasol eich sioe/perfformiwr, unrhyw adolygiadau blaenorol ac unrhyw ddeunydd fideo priodol.
Rydyn ni’n croesawu ceisiadau gan gwmnïau ac artistiaid o Gymru neu sy’n byw yng Nghymru yn arbennig.
Mae Canolfan Mileniwm Cymru yn gartref creadigol i bawb; hoffem roi gofod i bobl a straeon sydd heb gynrychiolaeth ddigonol a chefnogi’r rhai sy’n wynebu gwahaniaethu. Os hoffech chi gael cyngor am eich cais, cysylltwch â ni.
Dyddiad cau: Dydd Llun 1 Ebrill 2024
E-bost: artists@wmc.org.uk