Ymunwch â ni yn y Tŷ Dawns am ragflas o SEPTEMBER, gwaith newydd gan Gyfarwyddwr Artistig CDCCymru, Matthew Robinson. Cewch wylio'r perfformiad a chymryd rhan mewn sesiwn holi ac ateb arbennig gyda Matthew a’r cydweithredwyr. 

Mae SEPTEMBER yn ymwneud â bod eisiau byw mewn moment am byth, a chyflymder di-baid bywyd yn ein llusgo ymlaen. Mae'n ymwneud â chariad a ffarwelio. Mae’n gerdd gorfforol ac yn rhaeadr o emosiynau. 

Mae SEPTEMBER yn gydweithrediad artistig rhwng Matthew Robinson, y cyfarwyddwr cerdd Torben Lars Sylvest, y Dylunydd George Hampton Wale ac artistiaid Cwmni Dawns Cenedlaethol Cymru. 

Cewch fynd ymlaen i wylio Sioe Agoriadol SEPTEMBER yn Theatr y Sherman yng Nghaerdydd ddydd Gwener 12 Mai fel rhan o CYNULLIAD, sef noson unigryw wedi’i llywio gan waith y cwmni HEDDIW, a’i gynlluniau ar gyfer yfory.