Ydych chi angen lleoliad i ddathlu digwyddiad diwylliannol neu greadigol, neu ofod perfformio? Os felly, bydden ni wrth ein boddau’n clywed gennych chi…

Bob blwyddyn rydyn ni’n cynyddu’r cyfleoedd i gymunedau gyflwyno eu digwyddiadau a pherfformiadau eu hunain yn ein hadeilad. Rydych chi’n dweud wrthon ni fod cael lle i rannu storïau, celf, sgwrs, cerddoriaeth a mwy yn hollbwysig i chi a’ch cymuned. Bydden ni’n hoffi darparu lle i gymunedau rannu eu hanes, eu diwylliant a’u storïau cyfunol, ac fe groesawn geisiadau gan bawb, waeth sut rydych chi’n diffinio’ch hun.

Caiff digwyddiadau a pherfformiadau eu rhaglennu drwy ein model cyllidebu cyfranogol, sy’n golygu bod ymgeiswyr yn pleidleisio dros y cais sydd fwyaf addas yn eu barn hwy. Mae hyn i sicrhau bod ein rhaglen wedi’i chreu mewn ffordd ddemocrataidd, gennych chi, y gymuned.

Digwyddiadau cymunedol

Eleni rydyn yn rhannu ein mannau Glanfa a Cabaret gyda chi dros tri ddyddiad; mae’r ddau le yn berffaith ar gyfer unrhyw ddigwyddiad ac yn dod yn fyw pan mae cymunedau’n rhaglennu ac yn perfformio ynddynt.

Glanfa 

Glanfa yw’r man cyhoeddus mawr yn ne ein hadeilad, ac mae e wedi cynnal sawl digwyddiad a gwledd fawr.

Cabaret  

Mae Cabaret yn ofod llai o faint a chlyd, gyda thoiledau neillryw, ystafell gotiau, llwyfan a bar.

Perfformiadau Cymunedol 

Rydyn ni wrth ein boddau’n llenwi Glanfa gyda chreadigrwydd ac felly rydyn ni’n gwahodd artistiaid a pherfformwyr i ddod i’n llwyfan i groesawu cynulleidfaoedd i’n hadeilad.

Ar ddydd Sadwrn cyntaf bob mis rydyn ni’n rhaglennu perfformiadau i groesawu cynulleidfaoedd i sioe’r diwrnod hwnnw. Nodwch os gwelwch yn dda mai dim ond perfformiadau sydd heb angen am gefnogaeth dechnegol y mae modd i ni eu rhaglennu yn y gofod hwn.

Gallwch ddarllen am ein Galwad am gelf Cyhoeddus: Gaeaf blaenorol am ragor o wybodaeth ynglŷn â sut mae ein cyllidebu cyfranogol yn gweithio, a darllenwch ragor am ein cyfleoedd creadigol.