O’r prif awditoriwm lle mae perfformiadau gwefreiddiol y gorffennol yn creu naws hudolus, i Cabaret, ein lleoliad unigryw a chlyd, a’n cynteddau lle mae arysgrif eiconig ein hadeilad yn pefrio yn y cefndir, mae gennym ni’r mannau perffaith i sicrhau bod eich digwyddiad yn un cofiadwy ac arbennig. Rydyn ni’n cynhyrchu miloedd o ddigwyddiadau bob blwyddyn, a bydd eich un chi mewn dwylo diogel diolch i gefnogaeth dechnegol a TG ar y safle a staff profiadol a gwybodus. 

Rhowch brofiad gwbl unigryw i’ch gwesteion. Mae gennym ni olygfeydd ysblennydd, awditoriwm trawiadol, steil soffistigedig a llond lle o hwyl, personoliaeth a hud. 

A wyddoch chi... 

• Rydyn ni’n gweithio’n galed i gyrraedd ein targed sero net a dod yn fwy cynaliadwy. Rydyn ni wedi gosod paneli solar sy’n pweru ein prif lwyfan drwy gydol y flwyddyn, yn darparu cwpanau amldro a thocynnau digidol ac rydyn ni’n rhan o’r rhwydwaith  gwresogi ardal.  

• Rydyn ni’n elusen, sy’n golygu bod eich arian yn ein helpu ni i feithrin artistiaid a phobl ifanc yng Nghymru.  

• Mae yna gysylltiadau trafnidiaeth gwych i Fae Caerdydd yn ogystal â meysydd parcio a gwestai. 

• Mae taith mewn cwch i weld golygfeydd ysblennydd y Bae yn ffordd wych o dreulio amser gyda’ch tîm neu’n syniad da ar gyfer sesiynau rhwydweithio. 

• Mae Bad Wolf, BBC, ITV a llawer o gwmnïau eraill wedi ffilmio golygfeydd yma. 

• Mae ein hadeilad 7.5 erw yn grochan o berfformiadau hudolus, lle mae sêr y West End yn camu i’r llwyfan yn wythnosol. 

• Rydyn ni’n cynnig teithiau cefn llwyfan yn ychwanegol fel bod cyfle i’ch gwesteion deimlo gwefr yr adeilad yn ei holl ogoniant.